When it rains it pours! 'Yan ang kasabihan kapag sinuswerte nga naman ang isang tao. At isa na nga rito si Charice, ang Pinay Youtube singing sensation na popular na ngayon sa buong mundo dahil sa angking galing sa pag-awit.

Si Charice ay nasa Amerika ngayon at tinatapos ang kanyang first US album sa pakikipagtulungan ni David Foster. Pero alam nyo ba na pasok na rin si Charice sa isang Hollywood movie doon? Totoo yan, kasalukuyan siyang nagso-shooting para sa role niya bilang kinatawan ng kanilang school sa isang singing contest katunggali ang ibang mga contestants kasama na rito sina Alvin at mga Chipmunks.

Bagamat maliit lang ang kanyang role masaya pa rin ito at napasama siya sa 20th Century Fox's "Alvin and the Chipmunks 2 na mapapanood sa unang bungad ng taong 2010.

Dumaan muna si Charice sa auditions at kumanta ng 'Listen' at 'Irresplaceable' na pinasikat ni Beyonce. Napabalitang napanood si Charice ng direktor ng 'Alvin and The Chipmunks' sa Oprah at napahanga ito kaya siya natanggap sa role.

Pagkatapos ng 81st Oscar Awards ay nagkaroon ng Oscar after-party sa pangunguna ni Leeza Gibbons at David Foster sa Mr.Chow restaurant. At siyempre dahil alaga ni David si Charice kaya andoon rin ang batang singer.

Kumanta si Charice ng 'Listen' at 'I Will Survive' sa gabing iyon. At ang pinaka-highlight e yong kinanta niya ang 'Fingerprint', original na composition na kasama sa una niyang international album.

Nagustuhan ko yong kanta, at mapapaindak ka rin sa tempo. Kaya lang nung bandang kalagitnaan na si Charice sa pagkanta nag skipped ang Disc kaya pinaulit si Charice. Nagloko na naman ulit sa pangalawang pagkakataon. Kaya hindi na niya nakanta ng buo ang 'Fingerprint'.

Marami ngayon ang naglalabasang mga argumento kung sinadya nga ba talaga yon ni David Foster na mangyari ang ganung eksena para mas lalong ma-excite ang mga fans ng bata? O di naman kaya sadyang nagkaroon lang talaga ng technical glitches. Sa mapapanood nyong video makikita nyo na nabigla rin si Charice sa nangyari. Pero ganun pa man 'the show must go on', ika nga. May sabotahe nga bang nangyari? Ano ang masasabi nyo?

Narito ang video:

Nakabalik na si Charice mula sa Washington D.C. kung saan kumanta siya sa ilang pre-inaugural balls sa bagong halal na presidente ng Amerika na si Barack Obama. Marami ang napabilib sa kanya ng kantahin niya ang 'God Bless America'.

Subalit hindi rin magtatagal rito si Charice sa ating bansa dahil babalik na muli siya sa Amerika at doon na muna mamamalagi. Aniya, kailangan nya munang manatili doon ng ilang buwan para matutukan niya ang kanyang karir at nakatakda na rin niyang gawin ang kanyang kauna-unahang international album sa ilalim ng Warner Bros.

Merong planong pagsamahin sa isang Valentine's concert sina Charice at David Archuleta pero hindi pa ito pinal. May balita ring may bagong show na gagawin si Charice sa Amerika at siya ang magiging host nito.

Narito ang video kung saan kinakanta ni Charice ang God Bless America sa dinaluhan niyang Martin Luther King Awards ceremony sa Grand Hyatt Hotel.

Matagal ko ng inaasam na makitang mag duet ang dalawang pinakamagaling na mang-aawit ng ating bansa at kinikilala ng buong mundo. Ang tinutukoy ko ay sina Charice at Arnel Pineda.

Naganap ang kanilang duet kahapon sa ASAP 08 ng ABS-CBN. Kinanta nilang dalawa ang "Alone" na pinasikat ng bandang Heart.

Subalit laking dismaya ko dahil hindi ganun kaganda ang kinalabasan ng kanilang duet. Mukhang todo birit itong si Charice na nawala sa tono at tila bagang nais nitong sapawan si Arnel Pineda.

Baka sabihin nyo sinisiraan ko si Charice, hindi naman sa ganun. Yon lang talaga ang napapansin ko at hindi umayon sa pandinig ko. Sana mapagtanto ni Charice na hindi kailangan bumirit ng bumirit para sabihing magaling.

Para sa akin ang kantang Alone ay mas maganda sa isang solo performance lamang.

Ganunpaman, nawa'y magbigay pa kayo ng karangalan sa ating bansa. Narito ang video ng kanilang duet:

Guest si Charice kaninang umaga sa Good Morning America kasama ang kanyang manager na si David Foster. Bumisita sila upang ipromote ang kalalabas lamang na album ni David Foster ang "Hitman, David Foster & Friends".

Narito naman ang kabuuang video ng pagbisita ni Charice sa GMA.



Oops! Hindi pa nagtatapos dyan. Isa rin ito sa kinanta niya sa Good Morning America. Ang bagong version ni Charice ng pamosong kantang "I Will Survive" na binigyan ng bagong areglo ni David Foster.

See for yourself the new version of I Will Survive by Charice...