Sa wakas mag-uumpisa ng magrecording si Charice ngayong buwan na ito sa kauna-unahan niyang international album. Natural produced ito ni David Foster na marami na ring pinasikat na mang-aawit at ito ay under Warner Bros. Balak ng management na ipapalabas ito bago siya sumapit sa edad na 17.

Bali-balita ring malamang mapasama siya sa inauguration ni president-elect Barack Obama sa pag-upo nito sa White House sa katapusan ng buwang ito. Aba malay natin, e alam nyo naman malakas ang backer ni Charice na walang iba kundi si Oprah Winfrey na malaki rin ang naitulong sa pagkapanalo ni Obama sa eleksyong pangpanguluhan sa Amerika.

Sa mga hindi pa nakakaalam, wala ng kontrata si Charice sa ABS-CBN at ang humahawak sa kanyang career ngayon ay sina David Foster at Oprah Winfrey. Pero aniya, kapag nandito siya sa Pinas ay ang Kapamilya network pa rin ang home based niya bilang pagtanaw ng utang na loob sa naturang estasyon.