Muling magsasama sina KC Concepcion at Richard Guttierez sa pelikulang 'When I Met You' na co-produced ng Regal Entertainment at GMA Films para sa kanilang Valentine's presentation ngayong taon. Nauna ng nagsama ang dalawa noong nakaraang taon sa 'For The First Time' ng Star Cinema at tumabo ito sa takilya.

Dito natin malalaman kung solid nga ba ang mga fans nina KC at Richard kahit pa sa ibang film outfit ito ginawa. Malalampasan kaya nila ang kinita ng una nilang pelikula?

Hindi pa rin direktang inaamin ng dalawa na may namamagitan sa kanila. What you see is what you get, yan ang binitiwang mga salita ni Richard patungkol sa kanilang relasyon.

Samantala, pinabulaan rin ni Richard na lilipat siya sa bakuran ng Dos ngayong taong ito. Aniya, walang dahilan para lumipat siya dahil maayos naman ang takbo ng kanyang karir sa siyete. Kung mayroon man daw silang di pagkakaunawaan ng kanyang mother studio ay nadadaan naman daw sa mabuting usapan.