Pagkatapos ng 81st Oscar Awards ay nagkaroon ng Oscar after-party sa pangunguna ni Leeza Gibbons at David Foster sa Mr.Chow restaurant. At siyempre dahil alaga ni David si Charice kaya andoon rin ang batang singer.

Kumanta si Charice ng 'Listen' at 'I Will Survive' sa gabing iyon. At ang pinaka-highlight e yong kinanta niya ang 'Fingerprint', original na composition na kasama sa una niyang international album.

Nagustuhan ko yong kanta, at mapapaindak ka rin sa tempo. Kaya lang nung bandang kalagitnaan na si Charice sa pagkanta nag skipped ang Disc kaya pinaulit si Charice. Nagloko na naman ulit sa pangalawang pagkakataon. Kaya hindi na niya nakanta ng buo ang 'Fingerprint'.

Marami ngayon ang naglalabasang mga argumento kung sinadya nga ba talaga yon ni David Foster na mangyari ang ganung eksena para mas lalong ma-excite ang mga fans ng bata? O di naman kaya sadyang nagkaroon lang talaga ng technical glitches. Sa mapapanood nyong video makikita nyo na nabigla rin si Charice sa nangyari. Pero ganun pa man 'the show must go on', ika nga. May sabotahe nga bang nangyari? Ano ang masasabi nyo?

Narito ang video:

Magkakaroon ng panibagong auditions ang pinaka-hit na reality show ng ABS-CBN at ito ay ang Pinoy Big Brother (PBB) para sa ikatlong edisyon at para sa Teen Edition 3:

Audition Schedules:
February 27 PDA - Concert Hall 9AM-3PM
March 1 - Batangas
March 6 - Laog
March 8 - Pampanga
April 17 - Bohol
April 19 - Roxas City
April 24 - Butuan City
April 26 - General Santos City
May 8 - Camarines Sur

Age Requirement:
PBB Season 3: 19-35 yrs. old
PBB Teen Edition 3: 14-17 yrs. old

Applicants must bring the following items to the audition:
original and photocopy of birth certificate
1 close-up and 1 full body picture
valid ID
ballpen

Si Jommy Teotico, 24, model, ang itinanghal na El Ultimo Participante sa katatapos lamang na Pinoy Fear Factor na ginanap sa Argentina, South America. Napanalunan niya ang P2 milyon at isang House and Lot.

Sino ba namang mag-aakala kung saan kulelat lagi dati ngunit habang tumatagal e lumalaban na rin sa iba't-ibang hamon ng naturang reality show na napapanood sa ABS-CBN gabi-gabi.

Kaya sa'yo Jommy, congrats at magpakanton ka naman.

Balik trabaho na ulit si Angel Locsin matapos itong ma-ospital dahil sa pagkakasakit nito ng dengue. Pero aniya, hindi  pa siya ganun ka fully recovered. Sa katunayan hinihingal siya kahit sa kunting sayaw na ipinamalas niya sa nakaraang trade lunch ng Kapamilya network na ginanap kamakailan lamang sa Rockwell Tent.

Si Angel ang bida sa remake ng Koreanovelang Only You at makakatambal niya rito sina Sam Milby at Diether Ocampo.  Nakatakda rin silang magshooting sa Korea para sa naturang soap opera. Mag-aaral na rin siyang magluto dahil chef ang kanyang karakter dito.

Pakaaabangan din si Angel ngayong Pebrero 28, 2009 sa Maalaala Mo Kaya para sa isang makabagbag damdaming pagganap bilang taong grasa. Magiging semi-regular na rin siya sa Asap 09 sa darating na linggo.

Imbitado si Ms. Charo Santos Concio, ang Presidente at COO ng ABS-CBN para dumalo sa 81st Academy Awards o mas kilala sa tawag na Oscar Awards. Ang naturang seremonya ay gaganapin ngayong Pebrero 23, 2009 (Manila Time) sa Kodak Theater  sa Hollywood & Highland Center.

Ang host ng naturang awards ay si Hugh Jackman na sumikat sa pelikulang X-Men bilang Wolverine. Mapapanood sa ABS-CBN ng live ngayong Lunes, Pebrero 23, 2009 9:45am.

Isa si Chris Brown ang pinakasikat na mang-aawit ngayon. Sa edad na 19 taong gulang nakamit na niya ang tagumpay sa larangan ng musika. Marami na rin siyang pinasikat na kanta at ang 'With You' ang isa sa mga paborito ko.

Subalit nitong mga huling araw dalawang oras bago ang Grammy Awards Night 2009 ay kinansela ang partisipasyon nina Chris Brown at Rihanna. Ayon sa report, inaresto ng mga pulis si Brown dahil sa pambubugbog sa isang 'di kilalang babae. Ang tinutukoy nilang babae na binugbog ni Brown ay ang kanyang girlfriend na si Rihanna. Nakapagpiyansa naman si Brown sa kanyang kasong kinasasangkutan. Patuloy pa rin ang imbestigasyon sa nasabing pangyayari.

Ayon naman sa publicist ni Rihanna,maayos naman ang kanyang lagay sa kasalukuyan at nagpapasalamat sa mga sumusuporta.

Dati inakala ng marami na hindi bagay sina John Loyd Cruz at Sarah Geronimo na magsama sa isang pelikulang 'A Very Special Love'. Subalit marami ang nagulantang dahil tumabo ito sa takilya. At talaga namang hit din ito maging sa mga kababayan natin abroad.

Kaya naman naisipan ng Star Cinema na gawan ng sequel ang naturang pelikula. At heto na nga ang ' You Changed My Life' sa direksyon pa rin ni Cathy Garcia Molina na mapapanood na sa mga sinehan nationwide ngayong darating na Pebrero 25, 2009.

Malapit na pala ang Araw ng mga Puso kaya naman abala ang mga magsweethearts o ang mga loveless ngayon kung paano nila ipagdiriwang ang Valentine's Day. Malamang meron dyan na manonood ng sine, kakain sa labas, pupunta ng Baguio,lalabas sa ibang bansa o di naman pupunta na lamang sa Luneta Park. Punuan din siguro ang Luneta Park sa araw na yaon.

Pero kung gusto niyong maaliw at mainlove aba e tamang-tamang magkakaroon ng concert sa Araneta Coliseum ngayong February 21, 2009. Kaya nga lang post Valentine's na ito, pero ok na rin yon e kung sina Piolo Pascual, Mark Bautista, Sam Milby, Erik Santos at Christian Bautista ba  naman ang mapapanood mo aba e siguradong mas lalo kang ma-iinlove.

Ang concert na ito ay pinamagatang Pop Icons, produced ng ASAP Live at Sunday Night Poductions.

Ang isa sa pinaka-hottest na loveteam ngayon na walang iba kundi sina Angel Locsin at Piolo Pascual, ang siyang bagong cover ng Cosmopolitan magazine para sa kanilang February 2009 issue. Ito rin ang unang pagkakataon na mag-feature sila ng isang loveteam sa kanilang magasin.

Ang dalawa ay unang nagsama sa matagumpay na 'Lobo' series sa ABS-CBN at sa pelikulang 'Love Me Again' under Star Cinema. Ang kanilang unang pelikulang pinagtambalan ay tumabo sa takilya. Now on it's 3rd week in showing ay umabot na sa P60.28M ang kinita. Showing na rin ito sa ibang bansa particularly sa mga piling sinehan sa Europe at America.

Mabibili na ang naturang magasin sa inyong mga paboritong newstands at bookstore.

Ang GMA-7 ang nakabili ng rights ng Rosalinda na pinasikat ni Thalia noon. Sa Pinoy version nito marami ang nagsasabing si Marian Rivera ang gaganap nito gawa nga ng siya ang bida sa remake na Marimar noon. Naging popular si Marian dahil sa nasabing teleserye na yon.

Subalit nitong nakaraang trade lunch ng Kapuso network para sa kanilang mga bagong programa na ilalabas nitong taon ay ipinakilala na kung sino ang magbibida sa remake ng Rosalinda. Ang tinutukoy ko ay walang iba kundi si Carla Abellana. Siya ay anak ni Rey 'PJ' Abellana at graduated as Cum Laude sa DeLa Salle.

Kamakailan lamang ay pumirma na rin si Carla ng 12 movie contract sa Regal Entertainment. Siya na kaya ang tatanghaling bagong reyna ng Kapuso Network? Papaano na si Marian na lately ay puro nega ang naglalabasang isyu laban sa kanya? Mababa rin sa ratings ang pilot episode nitong ' Ang Babaeng Hinugot Sa Aking Tadyang' na katambal si Dingdong Dantes. Tama kaya ang hula na lalamlam ang karir ni Marian sa taong ito?

Kumanta ang bandang Journey sa preshow ng ika-43 ng Super Bowl na ginanap sa Tampa, Florida. Mukhang masaya naman ang buong banda at sa muli ay nagkasama-sama sila mula ng nagbreak sila ng ilang buwan.

Marami rin ang natuwang makita si Arnel Pineda sa personal. Tumugtog sila ng isang oras kaya lamang iisang kanta lang ang inere sa telebisyon at ito ay ang kantang pinasikat ng banda ang 'Don't Stop Believing'.

Ang hindi ko lang nagustuhan ay ng sinabi ng Commentator na si Arnel Pineda ay ang pangalawang bokalista ng banda at nanalo ito sa Karaoke sinnging contest. Naku po! Di man lang nagresearch.. Nakakahiya!

Aba, talagang in-demand ngayon si Rhian Ramos ah. Dahil matatapos na ang kanyang teleseryeng 'La Lola' ay heto raratsada na naman siya sa Zorro. Siya ang napili ng Kapuso network na isa sa magiging leading-lady ni Richard Gutierrez. Meron pang isa, ngunit hindi pa nila pinapaalam kung sino ito.

Kaya lang ang dami kong nababasang nega reactions particularly sa mga Kapuso fans tungkol sa babaeng ito. Kesyo malakas ang kapit kaya laging may proyekto samantalang ang ibang talent ng siyete ay nakatiwangwang, nariyan din na tawagin siyang playgirl. Nga pala, pinabulaan niyang naging sila ni Mark Herras kahit inamin mismo ng lalaki na nagkaroon sila ng relasyon.

Si Rhian na ba ang susunod sa yapak ni Marian Rivera?